Sabotahe ng kasakiman
Hindi pa malinaw ang lahat ngunit mukhang sinasabotahe ng kasakiman ng mga nasa kapangyarihan ang computerization of 2010 na eleksyon.
Nabahala ang marami noong Lunes ng sinabi ni Comelec Chair Jose Melo na umatras ang Total Information Management, ang Filipino na partner ng Smartmatic Corp, ang nanalo na kumpanya na taga Barbados sa $7.2 bilyon na kontrata para magiging computerized ang bilangan sa eleksyon simula sa 2010.
Iba-iba ang lumalabas na dahilan. Isa dyan ang pagpipilit ng TIM na sila ang may kontrol ng operasyon dahil sila ang mas may malaking share ayun sa ating Constitution na 60 per cent ang sa Pilipino at 40 ang sa mga banyaga.
Gusto raw kasi ng Smartmatic sila ang may kontrol dahil sa kanila ang technology. Sabi ng TIM, labag yan sa Constitution. Ang lalabas nun para lang silang dummy katulad ng maraming malakihan na joint ventures.
Sabi kasi ng TIM, gusto nila sila ang may kontrol dahil kung ano ang mangyari na bulilyaso, sila ang mapapahamak. Pilipino sila kaya kulungan ang bagsak nila.
Itong isyu ng TIM ay lumabas daw ng malaman nila na merong isang negosyante na malapit sa malaca?ang na pumasok sa eksena bilang “carried” partner.
Ang “carried” partner ay isang kumpanya o negosyante na gustong maki-ambon sa kita kahit na wala namang binigay na capital. Siyempre ang may lakas na loob lang na gagawa niyan ay ang malapit sa may kapangyarihan.
Itong negosyante daw ay taga-Cebu kung saan lumamang kuno si Arroyo kay Fernando Poe, Jr. noong 2004 ng sobra isang milyong boto. Maraming isyu na lumabas kalaunan sa mga boto sa maraming presinto sa Cebu na hindi kapani-paniwala. Sobrang taas ng voters’ turn out na para bang walang namatay o nag-abroad sa mga botante sa listahan.
Sinabi ng presidente ng TIM na si Jose Mari Antunez na nakita raw ng isang kasama niya sa kumpanya itong negosyante na taga Cebu at ang isang opisyal ng Smartmatic na nag-uusap sa isang hotel.
Pagtapos daw ng ilang araw tinawagan siya ng negosyanteng ito na kailgnan siyang makikipag-cooperate. Kung hindi magagalit sa kanya ang mga “may kapangyarihan.”
Siyempre maraming hakang-haka kung sino itong negosyante na taga Cebu na malapit sa kapangyarihan. Ewan, hindi ko rin alam.
Bago ko makalimutan, may isa pa palang kasama ang Smartmatic at TIM: ang 2GO, isang freight forwarding na kumpanya na pag-aari ng mga Aboitiz ng Cebu na kilalang malapit kay Arroyo.
Nang humarap ang mga taga- Comelec sa Senado, sinabi na ang 2Go daw ang magdadala ng mga computer sa lahat na 80,000 na presinto sa buong bansa.
Ayos na.
Other articles: